Son zamanlar qərbdə ABŞ, şərqdə isə Rusiyanın zəiflədiyi və yeni dünya sisteminə inteqrasiyanın yollarını axtardığı məlum oldu. Ancaq Putin nə edirsə etsin, Rusiya qarşıdakı dövrdə zəifləmiş Rusiyaya çevriləcək və yeni dünya sisteminə inteqrasiya yollarını axtaracaq”.
Bu sözləri türkiyəli politoloq İsmail Cingöz Ednews- açıqlaması zamanı qeyd edib.
O, daha sonra qeyd edib ki, Ukrayna müharibəsi Rusiyanın qədimdə olan əzəmətli gücündə olmadığını yenidən göstərdi:
“Acı təcrübələrlə sınaq edən Putin 5-ci dəfə prezident olması və Rusiya tarixindəki ən uzun müddətli dövlət başçısı ünvanı ilə verdiyi açıqlamalarda əsasən ordu və müdafiənin gücləndirilməli olduğu vurğulayıbdır.
Rusiya yaxın gələcək də 2-ci dünya müharibəsindən qalan taktikasını tərk edərəm başda Çin olmaqla müttəfiqlərinin köməyi ilə orduda müasr texnologiyalarla təchizi nəzərdə tutur.
Eyni zamanda Putin Ukrayna müharibəsində Rusiya məğlub olarsa Rusiyanın dağılması ilə nəticələnə biləcəyini bilir. Buna görə də yeni prezidentlik dönəmində Ukrayna müharibəsinə daha çox vəsait və önəm ayıracağı ön görülür. Anlaşılır ki, Rusiya parçalanma həddinə gəlməmək üçün ilk növbədə hərbi cəhətdən güclənmək, kosmopolit əhalisi arasında yaranan problemləri həll etmək kimi məqsədlər qoyacaq. Rusiya bilir ki, Ukrayna müharibəsində uduzsa, parçalanma həddinə çatacaq”.
Politoloq düşünür ki, qarşıdakı dövrdə yeni dünya sisteminin şərq blokunda Pekində yerləşən Çin, qərb blokunda isə London mərkəzli İngiltərə yeni dünya sisteminin şərq və qərb liderləri olacaqdır:
“Orta zonada Türkiyə və Azərbaycan mərkəzli dövlətlərin türk təşkilatının yeni dünya sistemində 3-cü qütb kimi meydana çıxacağı anlaşıldı. Putinin Rusiyanın bu prosesdə mümkün qədər güclü olması lazım olduğunu vurğuladığı anlaşılır. Bu səbəbdən də Putin yeni dünya sistemində parçalanmamaq və öz məqsədlərini yenidən müəyyənləşdirmək istədiyini dolayısı ilə bəyan edib.
Aydındır ki, bu, ilk növbədə Şərq blokunun lideri Rusiyanın Çinlə yeni dünya sisteminə inteqrasiyasını, yoxsa qərb mərkəzli Londonun, yoxsa türklərin yanında yer alacağını müəyyən edəcək.
Son günlər beynəlxalq aləmdə Rusiyanın Türk Dövlətləri Təşkilatına üzvlüklə bağlı bəzi addımlar ata biləcəyi bildirilir.
Ancaq Rusiyanın türk dövlətlərinin təşkilatlatı ilə birgə hərəkət etməsi daha məntiqli görünür. Çünki əhalisinin sayı əhəmiyyətli dərəcədə türk olan Rusiya yeni dünya sistemində türk dövlətləri ilə inteqrasiyanın yollarını axtaracaq. Nəticədə birlik və həmrəyliyə vurğu edən Putin, Rusiyanın yeni dünya sistemində mövqeyini müəyyən etmək üçün addımlar atacağını və bu gedişlərin başlanğıcında hərbi cəhətdən güclü Rusiyaya sahib olmağı hədəflədiyini bildirib”.
Xəyal Ramiz
